Hymn No. 5975 | Date: 02-Oct-1995

વિશ્વાસઘાતના દઈ જાશે આઘાત એવો જીવનમાં, આઘાત એનો સૌથી મોટો હશે

 

જીવન માર્ગ, સમજ (Life Approach, Understanding)

1995-10-02 1995-10-02 1995-10-02 https://www.kakabhajans.org/Bhajan/default.aspx?id=1462 વિશ્વાસઘાતના દઈ જાશે આઘાત એવો જીવનમાં, આઘાત એનો સૌથી મોટો હશે વિશ્વાસઘાતના દઈ જાશે આઘાત એવો જીવનમાં, આઘાત એનો સૌથી મોટો હશે

મૌન જીવનમાં આવશે ત્યારે એ આવશે, વિશ્વાસઘાત તો બેમોતે મારી જાશે

શક્તિશાળીની શક્તિ પણ જીવનમાં, એવા આઘાતમાં તો હણાઈ જાશે

મળ્યો વિશ્વાસઘાત જીવનમાં, રાખ્યો વિશ્વાસ ફરી એમાં, બેવફાઈ એ ગણાઈ જાશે

મળી જાશે મેદાન મોકળું જ્યાં એને, સફાચટ બધું ત્યારે તો એ કરી જાશે

વિશ્વાસઘાતીઓના હાવભાવ ને વાતચીતમાંથી, ના એ તો એને પરખાવા દેશે

છેતરતા રહ્યાં છે જગમાં એ તો સહુને, જગમાં છેતરાતાને છેતરાતા એ તો રહેશે

કદી કારણ એમાં તો મળી જાશે, કદી કારણ તો એના ગોતવા મુશ્કેલ બનશે

કરતા રહ્યાં છીએ વિશ્વાસઘાત પ્રભુનો, જીવનમાં વિશ્વાસઘાત વિના બીજું શું મળશે

રહીશ અને રાખીશ વિશ્વાસ પૂરો પ્રભુમાં,એ આઘાતમાંથી તું બચતોને બચતો જાશે Satguru Shri Devendra Ghia (Kaka)