Hymn No. 8134 | Date: 23-Jul-1999

સૂકા સરોવરમાં કોઈ ન્હાવા પડતું નથી, ભર્યું સરોવર તરસ્યું રહેવા દેતું નથી

 

જ્ઞાન, સત્ય, આભાર (Knowledge, Truth, Thanks)

1999-07-23 1999-07-23 1999-07-23 https://www.kakabhajans.org/Bhajan/default.aspx?id=17121 સૂકા સરોવરમાં કોઈ ન્હાવા પડતું નથી, ભર્યું સરોવર તરસ્યું રહેવા દેતું નથી સૂકા સરોવરમાં કોઈ ન્હાવા પડતું નથી, ભર્યું સરોવર તરસ્યું રહેવા દેતું નથી

પ્રેમ વિનાનું હૈયું પ્રેમ સમજતું નથી, પ્રેમ પામ્યા પછી સૂકું એ રહેતું નથી

હરેક વાદળીઓ કાંઈ વરસતી નથી, વરસ્યા વિના વાદળ ખાલી થાતું નથી

સંઘર્ષ વિના હિંમતની કસોટી થાતી નથી, તૂટયા સંઘર્ષમાં હસ્તી એની રહેતી નથી

ચિનગારી લેવી કાબૂમાં સહેલી છે, બન્યો જ્યાં દાવાનળ, કાબૂમાં લેવો સહેલો નથી

અંતરમાં અંતર પડયું, પોતાનો એ રહેતો નથી, મળ્યું અંતર જ્યાં પારકો, પારકો રહેતો નથી

ભળી છાંટ અસત્યની, એ સત્ય રહેતું નથી, અસત્ય સ્વાર્થમાં ડુબાડયા વિના રહેતું નથી

સંતોષ વિનાનો જીવ ભટક્યા વિના રહેતો નથી, સંતોષી જીવને ભટકવું પડતું નથી

દુઃખનાં બીજ વાવી દિલમાં, સુખી થઈ શકતો નથી, દુઃખ ભૂલ્યા વિના સુખી રહી શકતો નથી

ઘા લાકડીના દેખાયા વિના રહેતા નથી, ઘા કિસ્મતના જીવનમાં તો દેખાતા નથી Satguru Shri Devendra Ghia (Kaka)