Hymn No. 9486

દેખી નથી મૂરત તારી તો પ્રભુ, સૂરત તારી તો જોઈ નથી

 

1900-01-01 1900-01-01 1900-01-01 https://www.kakabhajans.org/Bhajan/default.aspx?id=18973 દેખી નથી મૂરત તારી તો પ્રભુ, સૂરત તારી તો જોઈ નથી દેખી નથી મૂરત તારી તો પ્રભુ, સૂરત તારી તો જોઈ નથી

હશે મુસ્કાન કેવી તારી દિલમાં, અંદાજ એનો આવતો નથી

કરું યાદ નયનો ભી યાદ જેનાં નવાં નયનોમાં નયનો તમારાં જડતાં નથી

હશે નયનો કેવાં તમારાં, દિલમાં અંદાજ એનો આવતો નથી

ચાહતો રહ્યો સૌમ્યતા કંઈક મુખ પર, સૌમ્યતા એવી દેખાતી નથી

હશે સૌમ્યતા મુખ પર તમારા કેવી, દિલમાં અંદાજ એનો આવતો નથી

કંઈક હસતા મુખે ખેંચ્યું દિલ અમારું, ખેંચાયા વિના રહ્યું નથી

હશે હસતું મુખ કેવું તમારું, દિલમાં અંદાજ એનો આવતો નથી

જોઈ મસ્તીભરી છટા કંઈક, મુખ ને નયનો ખેંચાયાં વિના રહ્યાં નથી

હશે મસ્તી તમારી કેવી, દિલમાં અંદાજ તો એનો આવતો નથી

જોઈ અનુભવી કંઈક દિલની કોમળતા, સ્પર્શ્યા વિના રહી નથી

હશે તમારી દિલની કોમળતા કેવી, દિલમાં અંદાજ એનો આવતો નથી

કંઈક નયનોથી અનુભવી કરુણાની ધારા, ન્હાયા વિના એમાં રહ્યા નથી

હશે તમારાં નયનોની કરુણાની ધારા કેવી, અંદાજ એનો આવતો નથી

જોઈ કંઈક મુખ પર વિશુદ્ધતાની આભા, આનંદ પામ્યા વિના રહ્યો નથી

હશે વિશુદ્ધતા તારા મુખની કેવી, અંદાજ એનો આવતો નથી

જોતો ને ગોતતો રહ્યો ગુણો તમારા, માનવીમાં પૂરા મળતા નથી

હશે અપરંપાર ગુણો તમારા દિલમાં, અંદાજ એનો આવતો નથી Satguru Shri Devendra Ghia (Kaka)