Hymn No. 5417 | Date: 07-Aug-1994

થાતું ને થાતું આવ્યું છે જીવનમાં રે જ્યાં, કાંઈ ને કાંઈ, કોઈ ને કોઈના કારણે

 

જ્ઞાન, સત્ય, આભાર (Knowledge, Truth, Thanks)

1994-08-07 1994-08-07 1994-08-07 https://www.kakabhajans.org/Bhajan/default.aspx?id=916 થાતું ને થાતું આવ્યું છે જીવનમાં રે જ્યાં, કાંઈ ને કાંઈ, કોઈ ને કોઈના કારણે થાતું ને થાતું આવ્યું છે જીવનમાં રે જ્યાં, કાંઈ ને કાંઈ, કોઈ ને કોઈના કારણે

મળ્યું છે આ માનવતન તો માતપિતાના કારણે, માતપિતા મળ્યાં કર્મના કારણે

મૂંઝાયો છું હું મનમાં રે જીવનમાં, પ્રથમ પૂજન હું તો કોનું કરું

મળ્યો ભલે માનવદેહ કર્મના કારણે, સમજાણી માનવતા તો સદ્ગુરુના કારણે

જાગે છે ભાવો જીવનમાં હૈયાને કારણે, મળ્યો છે કાબૂ તો એમાં સમજણને કારણે

સુખદુઃખ તો ભુલાવા જીવનમાં, ભક્તિના કારણે, જાગી ભક્તિ તો ભાવના કારણે

મન રહ્યું ડોલતું સમજણને ફગાવતું, જીવનમાં એ તો વિકારોના કારણે

રહ્યું એ ભાવોને તાણતું ને તાણતું, ડગમગી ગયું રે જીવન એના કારણે

પ્રેમ તો જાગ્યો ભાવને કારણે, વિશ્વાસ તો જાગ્યો હૈયે પ્રેમના કારણે

મન તો થાતું ને થાતું ગયું સ્થિર જીવનમાં, જીવનમાં તો પ્રભુકૃપાને કારણે

થાય છે જીવનમાં, થાતું રહ્યું છે જીવનમાં, બધું પ્રભુમિલનના તો કારણે Satguru Shri Devendra Ghia (Kaka)