Hymn No. 5431 | Date: 16-Aug-1994

કહેવા દેજે રે, કહેવા દેજે રે મને, આજે રે તું, ઓ મારા અંતર્યામી

 

સ્વયં અનુભૂતિ, આત્મનિરીક્ષણ (Self Realization, Introspection)

1994-08-16 1994-08-16 1994-08-16 https://www.kakabhajans.org/Bhajan/default.aspx?id=930 કહેવા દેજે રે, કહેવા દેજે રે મને, આજે રે તું, ઓ મારા અંતર્યામી કહેવા દેજે રે, કહેવા દેજે રે મને, આજે રે તું, ઓ મારા અંતર્યામી

કરતો રહ્યો હું જીવનમાં, જ્યાં ખોટું ને ખોટું, શાને દીધો ના મને તેં રોકી - ઓ મારા...

વિકારો ને વિકારો રહ્યા મને બહેકાવી, શાને દીધા ના એને તેં ભગાડી - ઓ મારા..

ઇચ્છાઓ રહી હતી જીવનમાં મને તાણી, શાને સ્થિરતા મને ના તેં દીધી - ઓ મારા..

ભાવોમાં તૂટતો જાતો હતેં જીવનમાં, શાને શુદ્ધ ભાવો દીધા ના તેં ભરી - ઓ મારા..

ફરતું ને ફરતું મન તો ફરતું રહ્યું, શાને દીધું ના એને તો તેં સંભાળી - ઓ મારા..

દુઃખદર્દમાં રાખી મને તો ડુબાડી, શાને શક્તિ મારી એમાં તો તેં ઘટાડી - ઓ મારા..

ભાગ્યની રેખા કરી લાંબી-ટૂંકી, શાને ખેલ તેં મને દીધા ખેલાવી - ઓ મારા...

હૈયામાં મારા તો તારા વિશ્વાસને, શાને દીધો એને તો તેં હચમચાવી - ઓ મારા...

અંતરમાં રહી લે છે બધું તું જાણી, શાને નથી દેતો પહેલાં મને તું અટકાવી - ઓ મારા... Satguru Shri Devendra Ghia (Kaka)