Hymn No. 650 | Date: 15-Dec-1986

આવ્યો આજે હું તો માડી, તારે દ્વારે

 

પ્રાર્થના, ધ્યાન, અરજી, વિનંતી (Prayer, Meditation, Request)

1986-12-15 1986-12-15 1986-12-15 https://www.kakabhajans.org/bhajan/default.aspx?id=11639 આવ્યો આજે હું તો માડી, તારે દ્વારે આવ્યો આજે હું તો માડી, તારે દ્વારે

છે આંખે અશ્રુ ને હૈયું છે ભારે ભારે

છોડી અહં, આજે લાગું હું તો તારે પાયે

મુજ મસ્તકે મૂકજે તારો કર તો આજે

જલે છે હૈયું માડી આજે તો પશ્ચાતાપે

કીધા છે કુકર્મો અગણિત જગમાં આવીને

સાથી સાચો જગમાં કોણ, ના એ તો સમજાયે

દઈને બુદ્ધિ શુદ્ધ તારી, તારજે આ બાળને

પાર વિનાના દુઃખો સહ્યા, કિનારો હવે લાવજે

લઈને સુકાન હાથમાં તારા, નાવડી ચલાવજે

દયાને તો લાયક નથી, તોય દયા લાવજે

કરુણા કરી રસ્તો સાચો માડી, આજ સુઝાડજે

સૂઝતો નથી રસ્તો સાચો, રહ્યો સદા અટવાઈને

અરજ મારી સ્વીકારી, માડી વહાર તો આવજે

હાથ તારો દેજે માડી, તારો મને જાણજે

પગલાં વાંકાંચૂંકાં પડે ન મારા, માડી, સંભાળજે

પ્રેમનો ભૂખ્યો છું માડી, પ્રેમ તો વરસાવજે

માફી માડી મુજને આપી, ભાર હૈયાનો હટાવજે Satguru Shri Devendra Ghia (Kaka)