Hymn No. 5815 | Date: 12-Jun-1995

તું શું છે, તું શું નથી, ભાંજગડમાં તો એની, મારે પડવું નથી

 

પ્રેમ, ભક્તિ, શિસ્ત, શાંતિ (Love, Worship, Discipline, Peace)

1995-06-12 1995-06-12 1995-06-12 https://www.kakabhajans.org/bhajan/default.aspx?id=1303 તું શું છે, તું શું નથી, ભાંજગડમાં તો એની, મારે પડવું નથી તું શું છે, તું શું નથી, ભાંજગડમાં તો એની, મારે પડવું નથી

તું જે છે, તેવો તો છે, મારે મન તું બધું છે, તું શું છે એ મારે જાણવું નથી

મારા ભાવોને જ્યાં તારામાં આસન મળે, મારા પ્રેમનો તો આધાર જ્યાં તું છે

મારે, તું શું છે, કાંઈ જાણવું નથી, એવી ભાંજગડમાં મારે પડવું નથી

યુગો યુગોથી રહ્યો છું તને શોધતો, શોધ મારી હજી પૂરી થઈ નથી - તું...

તારાને મારા ભાવો જ્યાં મળ્યા, બીજા ભાવોને મારે જાણવા નથી - તું...

બીજા ભાવોની ભાંજગડમાં, મારે તો પડવું નથી - તું...

તું રહે મારા દિલમાં, હું રહું જ્યાં તારા દિલમાં

સ્થાન બીજું મારે ગોતવું નથી, એની ભાંજગડમાં મારે પડવું નથીં - તું...

દર્દ જાગે જ્યાં દિલમાં, ખોલીશ દિલ હું તો પાસે તારી

દિલ બીજે ક્યાંય મારે ખોલવું નથી, એની ભાંજગડમાં મારે પડવું નથી - તું...

મળી ગઈ નજર જ્યાં તારી સાથે, મેળવી નજર તમે મારી સાથે

નજર બીજે ક્યાંય હવે મેળવવી નથી, એની ભાંજગડમાં મારે પડવું નથી - તું...

બીજા તેજોમાં મારે અંજાઈ જાવું નથી, તારા તેજ વિના મારે રહેવું નથી

તું શું છે, શું નથી, મનડું ભલે મારું ના કહે, તારું મનડું કહે છે શું, એ જાણ્યા વિના રહેવું નથી Satguru Shri Devendra Ghia (Kaka)