Hymn No. 5844 | Date: 30-Jun-1995

જોઈ જોઈને ખાડા ટેકરા જીવનમાં, જીવનમાં ચાલતા તું અટકી જાજે

 

જીવન માર્ગ, સમજ (Life Approach, Understanding)

1995-06-30 1995-06-30 1995-06-30 https://www.kakabhajans.org/bhajan/default.aspx?id=1332 જોઈ જોઈને ખાડા ટેકરા જીવનમાં, જીવનમાં ચાલતા તું અટકી જાજે જોઈ જોઈને ખાડા ટેકરા જીવનમાં, જીવનમાં ચાલતા તું અટકી જાજે

મારગ કાઢવો છે તારે એમાંથી તો જ્યાં, ના ત્યાં ને ત્યાં, મૂંઝાઈને બેસી જાજે

છે હિંમત જ્યાં પાસે તો તારી, લઈને બુદ્ધિને સાથે તારી, મારગ કાઢતો જાજે

રાહ જોતો ના તું અન્યના સાથ કાજે, ચાલવા લાગીશ, સાથ તને મળતો જાશે

મળે ના મારગ જીવનમાં જલદી, નિરાશામાં ત્યારે તું ના એમાં ડૂબી જાજે

અટકાવશે જીવનમાં કંઈક ચીજો, ડગલે ને પગલે કંઈક ચીજો તને અટકાવી જાશે

પહોંચવું છે જીવનમાં જ્યાં તારે, તારે ને તારે ચાલવું પડશે, મારગ તારેને તારે કાઢવો પડશે

રાહ જોઈ જોઈ જીવનમાં પ્રભુની, જોજે જીવનમાં એમાં, ધીરજમાં ના તું ખૂટી જાજે

હર પળે ને હર શ્વાસે જીવનમાં પ્રભુ યોગ્ય તને બનાવતા જાશે, તારા મારગ પર તું ચાલતો જાજે

તૂટી ગયો અધવચ્ચે જીવનમાં જ્યાં તું, મારગ મળવા છતાં, ત્યાં એ કેમ પૂરો થાશે

રહેજે ભલે તું જીવનમાં પ્રભુના આધારે, જીવનમાં તારો ખોટો ભાર પ્રભુને ના આપજે

રાખજે વિશ્વાસ તું તારા મારગમાં, અન્યની કેડીએ ના તું ચાલજે, મારગ તારો તું કાઢજે Satguru Shri Devendra Ghia (Kaka)