Hymn No. 2853 | Date: 01-Nov-1990

દેખાતું રહ્યું જે જગમાં, ખોટું એને તો કેમ ગણવું

 

જીવન માર્ગ, સમજ (Life Approach, Understanding)

1990-11-01 1990-11-01 1990-11-01 https://www.kakabhajans.org/bhajan/default.aspx?id=13842 દેખાતું રહ્યું જે જગમાં, ખોટું એને તો કેમ ગણવું દેખાતું રહ્યું જે જગમાં, ખોટું એને તો કેમ ગણવું

દેખાય ના જે જગમાં, સાચું એને તો કેમ સમજવું

રહી દ્વિધા તો આ હૈયે, હૈયું દ્વિધામાંથી મુક્ત ના થઈ શક્યું

જનમના સગપણ તો જે બંધાયા, મન એમાં તો ફરતું રહ્યું

હૈયે અપનાવ્યા, કરી કોશિશ, મન ત્યાં તો ડગતું રહ્યું - રહી...

લાગ્યું કદી જે સાચું, સમજતાં સમજતાં ખોટું એ ઠર્યું

ખોટું ગણ્યું જેને જીવનમાં, અનુભવે તો એ સાચું ઠર્યું - રહી...

દેખાયું ઘણું ઘણું રે જીવનમાં, લુપ્ત એ તો થાતું ગયું

દેખાતું ના હતું જે જીવનમાં, આંખ સામે આવી ઊભું રહ્યું - રહી...

નિર્ણય, બુદ્ધિ તો સંજોગોમાં, સાચું લઈ ના શક્યું

હે વિભુ દેજે નિર્ણયશક્તિ તારી, નિર્ણય સાચા લઈ શકું - રહી... Satguru Shri Devendra Ghia (Kaka)