Hymn No. 8107 | Date: 08-Jul-1999

આવ્યા જગમાં, જીવવું જીવન કેવું, કરવું શું, પામવું શું, સમજ્યા નથી

 

જ્ઞાન, સત્ય, આભાર (Knowledge, Truth, Thanks)

1999-07-08 1999-07-08 1999-07-08 https://www.kakabhajans.org/bhajan/default.aspx?id=17094 આવ્યા જગમાં, જીવવું જીવન કેવું, કરવું શું, પામવું શું, સમજ્યા નથી આવ્યા જગમાં, જીવવું જીવન કેવું, કરવું શું, પામવું શું, સમજ્યા નથી

સમયમાં સંકળાયા, કર્યું બધું તો સમયમાં, જીવનમાં સમયને સમજ્યા નથી

ક્યાંક ને ક્યાંકથી પ્રેમ પામ્યા, પ્રેમ વિના રહ્યા નથી, પ્રેમને તોય સમજ્યા નથી

ભાવોમાં જીવ્યા, ભાવોમાં બંધાયા, ભાવોમાં તણાયા, અન્યના ભાવોને સમજ્યા નથી

નાનાં મોટાં ધ્યાન ધર્યાં જીવનમાં, પાર પાડયાં કામ ઘણાં, તોય ધ્યાનને સમજ્યા નથી

કૃપા ને કૃપા પામતા રહ્યા જીવનમાં, પ્રભુની કૃપાને તોય જીવનમાં સમજયા નથી

ક્ષણે ક્ષણે વીતે છે સહુની પ્રભુના સહવાસમાં, પ્રભુને જીવનમાં તોય સમજ્યા નથી

થાવું નથી દુઃખી જીવનમાં તો જ્યાં, રહ્યા કેમ દુઃખી જીવનમાં એ સમજ્યા નથી

કરવા નથી વિચારો જીવનમાં તો જેના, કેમ એ આવતા રહ્યા એ સમજ્યા નથી

રાખવો છે અંકુશ કર્મો પર જીવનમાં, જીવનમાં કેમ એ રહ્યો નથી એ સમજ્યા નથી Satguru Shri Devendra Ghia (Kaka)