|
|
View Original |
|
દૃષ્ટિએ દૃષ્ટિએ દૃષ્ટિ દૃશ્યો તો જોતી જાય
ઉતારવા હૈયાંમાં તો એને, પ્રયાસ તો એ કરતી જાય
સમજણમાં સમજણ તો જ્યાં એની તો આવી જાય
જ્ઞાનનો અમર ખજાનો ઊભો એ તો કરતી જાય
દૃષ્ટિમાં જ્યાં ઇચ્છાઓને ઇચ્છાઓ તો ટકરાતી જાય
દૃશ્યોમાં ઉથલપાથલ એ તો મચાવતીને મચાવતી જાય
અનેકના મેળાપ એમાં જીવનમાં તો થાતા ને થાતા જાય
બન્યા કંઈક ચિરંજીવ, કંઈક સ્મૃતિપટ પરથી ભૂંસાતા જાય
દૃશ્યો બની યાદ જીવનની, અનુભવ એ તો દેતું જાય
દૃશ્યેદૃશ્યો જગમાં, જીવનને કંઈકને કંઈક કહેતું જાય
દૃષ્ટિએ સંઘર્યું ઘણું ઘણું, કંઈક એમાં ભૂંસાતું જાય
અટકી ના ગાડી દૃશ્યોની, દૃષ્ટિ ના એમાં થાકી જરાય
સદ્દગુરુ દેવેન્દ્ર ઘીયા (કાકા)