Hymn No. 4526 | Date: 04-Feb-1993

જીવનને જો ડાઘ લાગી જાશે, ના એ તો ભૂંસાશે, ના એ તો ભૂંસાશે

 

જીવન માર્ગ, સમજ (Life Approach, Understanding)

1993-02-04 1993-02-04 1993-02-04 https://www.kakabhajans.org/bhajan/default.aspx?id=26 જીવનને જો ડાઘ લાગી જાશે, ના એ તો ભૂંસાશે, ના એ તો ભૂંસાશે જીવનને જો ડાઘ લાગી જાશે, ના એ તો ભૂંસાશે, ના એ તો ભૂંસાશે

ભલે એ તો ભૂલાશે, ના તોયે એ તો ભૂંસાશે (2)

કરી કરી ઉપકારો, ભર્યું હોય ભલે જીવનને એક અપકાર પણ,

    ડાઘ એને લગાવી જાશે

જીવનભર રહ્યાં હો સતપથ પર ચાલતા ને ચાલતા,

    એક અસત્યનું આચરણ, ડાઘ એને લગાવી જાશે

મીઠાશથી ભરી રાખ્યું હોય જીવન, આવકાર્યા સહુને મીઠાશથી,

    એક તુંકારો પણ, ડાઘ એને લગાવી જાશે

જીવનભર જીવ્યા હોય વેરાગ્યથી ભલે રે જીવન,

    એક લોભ લાલચનો ઉછાળો, ડાઘ એને લગાવી જાશે

શાંતિની કરી હોય હૈયે સ્થાપના ભલે જીવનભર,

    એક ક્રોધનો ઉછાળો, ડાઘ એને લગાવી જાશે

જીવનભર ભલે સાચવી હોય નજરને વાસનાથી,

    એક વાસનાનો લલકારો નજરમાં, ડાઘ એને લગાવી જાશે

સૂરો શ્રદ્ધાના ભર્યા હોય હૈયે ભલે જીવનભર,

    એક શંકાનો પરપોટો પણ, ડાઘ એને લગાવી જાશે

જીવનભર રાખ્યું હોય હૈયું પ્રેમથી તો ભરપૂર,

    એક અપેક્ષાનો ઉછાળો પણ, ડાઘ એને લગાવી જાશે

રાખ્યું હોય ધ્યાન તલ્લીનતાથી ભરપૂર,

    એક ખોટા વિચારોના ખયાલો, ડાઘ એને લગાવી જાશે Satguru Shri Devendra Ghia (Kaka)