Hymn No. 6075 | Date: 22-Dec-1995

ચૂક્યો નથી જીવનમાં કાંઈ હું એકવાર, ચૂક્યો છું હું તો વારંવાર

 

સ્વયં અનુભૂતિ, આત્મનિરીક્ષણ (Self Realization, Introspection)

1995-12-22 1995-12-22 1995-12-22 https://www.kakabhajans.org/Bhajan/default.aspx?id=12064 ચૂક્યો નથી જીવનમાં કાંઈ હું એકવાર, ચૂક્યો છું હું તો વારંવાર ચૂક્યો નથી જીવનમાં કાંઈ હું એકવાર, ચૂક્યો છું હું તો વારંવાર

છે આ તો તારી પાસે, મારા ખુલ્લા દિલનો એકરાર

બનાવી ગઈ સદા મને માયા બેકરાર, જાણી ના શક્યો, કરી ના શક્યો તારો સત્કાર

કરવી જોઈતી હતી જીવનની મારે જેટલી દરકાર, ના કરી, રહ્યો એમાં હું બેદરકાર

દીધા જીવનને સંજોગોએ કારમાં ઘા, ઝીલવા દીધી પ્રેમ ને ભાવ તણી તેં તલવાર

કર્યા જીવનમાં આવા કંઈક તેં ઉપકાર, રહ્યો તોયે તારા પ્રત્યે બેદરકાર

કણ કણમાં રહ્યો છે તું, અણુ અણુમાં વ્યાપ્યો છે તું, મળ્યો નથી તને હું

મળી શક્યો નથી જીવનમાં તને, છે જીવનની મોટી મારી આ કમનસીબી

છું લાયક કે નાલાયક જીવનમાં, જાણું ના હું એ તો, નથી કાંઈ હું એનો જાણકાર

ચાહતોને ચાહતો રહ્યો હું જીવનમાં, મળે ના જનમ મને ફરી કદી

કરી રહ્યો છું વર્તન હું તો એવું, બનાવે છે મને એનો તો હકદાર

તારાને મારા વચ્ચે રહ્યું હોય ભલે અંતર, તોડી ના શકું ભલે હું એ અંતર

રહેવા દે છે શાને તું એ અંતર, બનતો નથી કેમ તું એ અંતર તોડનાર

ઝાઝી વાતોના ના ગાડા ભરાય, હું સંભળાવનાર, તું છે એક જ મારો સાંભળનાર Satguru Shri Devendra Ghia (Kaka)