Hymn No. 6318 | Date: 20-Jul-1996

કોઈ નાજુક પળમાં, જીવનમાં તો જ્યાં બેફામ બન્યો

 

સ્વયં અનુભૂતિ, આત્મનિરીક્ષણ (Self Realization, Introspection)

1996-07-20 1996-07-20 1996-07-20 https://www.kakabhajans.org/Bhajan/default.aspx?id=12307 કોઈ નાજુક પળમાં, જીવનમાં તો જ્યાં બેફામ બન્યો કોઈ નાજુક પળમાં, જીવનમાં તો જ્યાં બેફામ બન્યો

ના કરવાનું જીવનમાં, ત્યાં હું તો કરતોને કરતો ગયો

હૈયાંમાંથી પ્રેમને તો જ્યાં તડીપાર કરતોને કરતો રહ્યો

વેરની આગને હૈયાંમાં તો હું, ભરતોને ભરતો રહ્યો

આવાને આવા ઉપાડાઓમાં જ્યાં એમાં ખેંચાતો ગયો

આંખ બંધ રાખીને, સમજણ દૂર રાખીને, હું તો વર્તતો રહ્યો

મારા તારાના ભેદમાં, હૈયાંમાં જ્યાં એમાં હુ રાચતો રહ્યો

ના કરવાનું જીવનમાં, ત્યાં તો હું તો કરતોને કરતો રહ્યો

આગળ પાછળના વિચારો ગયા અટકી, પસ્તાવાના કિનારે પહોંચી ગયો

સમજદારીનું પાસુ ગયું ઘસાઈ, નાસમજદારીનું પાસુ ખોલી બેઠો

અંતરમાં આગને ના ઠારી શક્યો, સમજદારીનું વર્તન ચૂકતો ગયો

વગર ઉપાધિએ દુઃખ દર્દનો પ્રસાદ, જીવનમાં તો મેળવતો રહ્યો

કાઢી ના શક્યો ફુરસદ મને જાણવાને, મને ના હુ જાણી શક્યો

ના કરવાનું જીવનમાં ત્યાં હું તો કરતોને કરતો રહ્યો Satguru Shri Devendra Ghia (Kaka)