Hymn No. 6437 | Date: 27-Oct-1996

ભલે પ્રભુએ જામ જગમાં બધાં ભર્યા, લાગે કંઈક જામ તો અધૂરા ભર્યા છે

 

પ્રકૃતિ, લીલા (Nature, Gods play)

1996-10-27 1996-10-27 1996-10-27 https://www.kakabhajans.org/Bhajan/default.aspx?id=12426 ભલે પ્રભુએ જામ જગમાં બધાં ભર્યા, લાગે કંઈક જામ તો અધૂરા ભર્યા છે ભલે પ્રભુએ જામ જગમાં બધાં ભર્યા, લાગે કંઈક જામ તો અધૂરા ભર્યા છે

તન સુંદર, સાહ્યબી છલોછલ, લાગે ત્યાં જામ અક્કલના અધૂરા ભર્યા છે

હોય અક્કલ છલોછલ, હોય ના ખામી પૈસાની, જામ રૂપના ત્યાં અધૂરા ભર્યા છે

દીધી જવાની, દીધી છલોછલ માંદગી, તંદુરસ્તીના જામ ત્યાં અધૂરા ભર્યા છે

હોય દેખાવ સુંદર, હોય સુખ લક્ષ્મીનું, દઈ ખોડ કોઈ, જામ ત્યાં અધૂરા ભર્યા છે

રૂપ હોય સુંદર, ના ખામી પૈસાની, સ્વભાવના જામ ત્યાં અધૂરા ભર્યા છે

છલકાવી નયનોમાં નિર્દોષતા, હૈયાંમાં વિષ ભર્યા, જામ ત્યાં અધૂરા ભર્યા છે

દઈ દઈ ઘણાને ઘણું, સંજોગોમાં સજ્જડ જકડયા, જામ ત્યાં અધૂરા ભર્યા છે

પ્રીતની સરગમ હૈયાંમાં વગાડી, મિલન દૂર રાખ્યું એમાં, જામ ત્યાં અધૂરા ભર્યા છે

ખીલ્યા કંઈક સુંદર ફૂલ એવા, ભર્યા કાંટા તો એમાં, જામ ત્યાં અધૂરા ભર્યા છે

છલકાવી કંઈક જામ છલોછલ, ભર્યા કંઈક જામ અધૂરા, ચાવી પ્રભુએ તો પાસે રાખી છે

છલકાય ના જામ અહંના છલોછલ જગમાં, પ્રભુએ જામ કંઈક તો અધૂરા ભર્યા છે Satguru Shri Devendra Ghia (Kaka)