Hymn No. 6477 | Date: 23-Nov-1996

માગ્યું અમે ઘણું ઘણું, ભલે પ્રભુ તું એ ભૂલ્યો, ના મળીશ ક્યારે તું એ કહેવાનું

 

પ્રાર્થના, ધ્યાન, અરજી, વિનંતી (Prayer, Meditation, Request)

1996-11-23 1996-11-23 1996-11-23 https://www.kakabhajans.org/Bhajan/default.aspx?id=12466 માગ્યું અમે ઘણું ઘણું, ભલે પ્રભુ તું એ ભૂલ્યો, ના મળીશ ક્યારે તું એ કહેવાનું માગ્યું અમે ઘણું ઘણું, ભલે પ્રભુ તું એ ભૂલ્યો, ના મળીશ ક્યારે તું એ કહેવાનું

કરે તું ઇશારત અમને જ્યારે જ્યારે, ભૂલતો ના તું દેવી શક્તિ, અમને એ સમજાવવાનું

લાગે જીવનમાં અમને જ્યારે જ્યારે આકરું, ભૂલતો ના ત્યારે અમને એમાં સાંત્વન દેવાનું

તૂટી જાઈએ જીવનમાં અમે જો, હિંમતમાં ને ધીરજમાં, ભૂલતો ના અમારા હૈયાંમાં એ ભરવાનું

તારા પ્રેમ ભૂખ્યા અમારા હૈયાંમાં જીવનમાં, ભૂલતો ના પ્રભુ, તારા પ્રેમથી ભરવાનું

તારા તેજે તો ચાલે છે જગ સારું, ભૂલજો ના પ્રભુ, હૈયાંમાં મારા તેજ પાથરવું

કરીએ છીએ સમજ બેસમજમાં યત્નો જીવનમાં, ભૂલજો ના પ્રભુ, દિશા એને દેવાનું

સ્મરણથી રહે સદા યાદ તો તારી, ભૂલજો ના પ્રભુ, સદા સ્મરણમાં રહેવાનું

પગલે પગલે રહે છે તું સાથે સહુની, ભૂલજો ના પ્રભુ, મારી સાથે રહેવાનું

કદમ કદમ પર આવે આફતો જીવનમાં, ભૂલજો ના પ્રભુ, એમાંથી બહાર કાઢવાનું Satguru Shri Devendra Ghia (Kaka)