Hymn No. 2742 | Date: 03-Sep-1990

કરીશ દ્વાર બંધ જો તું, પ્રેમ ને ભક્તિ કાજે તારા હૈયાના

 

જીવન માર્ગ, સમજ (Life Approach, Understanding)

1990-09-03 1990-09-03 1990-09-03 https://www.kakabhajans.org/Bhajan/default.aspx?id=13731 કરીશ દ્વાર બંધ જો તું, પ્રેમ ને ભક્તિ કાજે તારા હૈયાના કરીશ દ્વાર બંધ જો તું, પ્રેમ ને ભક્તિ કાજે તારા હૈયાના

રાખીશ ખુલ્લાં દ્વાર જો તું, હૈયાના સદા વાસનામાં

ચેત ચેત રે માનવ તું ચેત, હાલ બૂરા તારા તો થઈ જવાના

મૂકીશ આંધળી દોટ તું, જ્યાં માયા પાછળ

કરીશ બંધ દ્વાર તો તું, જ્યાં વિવેકના - ચેત...

સાચા ખોટાના ભેદ ભૂલીશ, અહીં-તહીં જગમાં જો ભમીશ

હટાવીશ પ્રેમને જો હૈયેથી, પ્રેમનાં સાંસાં ત્યાં પડવાના - ચેત...

તાર્યા નથી માયાએ તો જગમાં કોઈને

ના સમજીશ જો આ તું, ફટકા માયાના મળવાના - ચેત...

અસંતોષે હૈયું જો ભર્યું રાખીશ, કામ-ક્રોધને જો ના હટાવીશ

દયા ધરમને હૈયેથી વિસરાવીશ, પડશે જીવનમાં આકરાં ચડાણ ચડવાના - ચેત...

સત્યમાંથી જો તું પાછો હટીશ, અસત્યને જો ગળે વળગાડીશ

મોહ-માયાને હૈયે લપેટીશ, દહાડા સુખના, તુજથી દૂર રહેવાના - ચેત...

હૈયે પ્રભુને જો ના સ્થાપીશ, મનને ફરતું ને ફરતું રાખીશ

વૃથા સમય તારો જો વિતાવીશ, ફેરા જનમના રહી જવાના - ચેત... Satguru Shri Devendra Ghia (Kaka)