Hymn No. 7039 | Date: 06-Oct-1997

જાતો ના તું તો ત્યાં, જ્યાં તારી હાજરીની કોઈ ગણતરી નથી

 

જીવન માર્ગ, સમજ (Life Approach, Understanding)

1997-10-06 1997-10-06 1997-10-06 https://www.kakabhajans.org/Bhajan/default.aspx?id=15028 જાતો ના તું તો ત્યાં, જ્યાં તારી હાજરીની કોઈ ગણતરી નથી જાતો ના તું તો ત્યાં, જ્યાં તારી હાજરીની કોઈ ગણતરી નથી

પહોંચતો ના તું ત્યાં, જ્યાં કોઈના પ્રેમભર્યાં તો વ્યવહાર નથી

ચાલતો ના તું ખોટા આધારે, તારા આત્માનો જેમાં અવાજ નથી

રહેતો ના તું ખોટા આભાસમાં, વિરુદ્ધ વર્તન વિના બીજું એમાં કાંઈ નથી

વળશે ના કાંઈ એ તો કરવાથી, જે કરવામાં તને કોઈ પ્યાર નથી

રસ્તો તો એ કાઢી શકતો નથી, જે પરિસ્થિતિમાં જેને લગન નથી

હૈયું જેનું ભાવોથી ભર્યું નથી, અન્યના દુઃખને એ સમજી શકતું નથી

રાત્રિની નીંદ સારી મળી નથી, આરામ દિવસનો, એ સુખ આપી શકતું નથી

જીવનમાં અપમાન વિના બીજું મળ્યું નથી, જીવન જીવવા જેવું એને લાગતું નથી

હૈયામાં જેના ઇચ્છાઓનાં રમખાણ નથી, શાંતિ વિના એના હૈયામાં બીજું કાંઈ નથી Satguru Shri Devendra Ghia (Kaka)