|
|
View Original |
|
વર્તે સમજદારીના સાથમાં તો જીવનમાં
કુહાડો પગ પર મારે, કોઈ એવા તો સૂંવાળા નથી
મથી મથી કર્યું ઘણું ઘણું ભેગું તો જીવનમાં
ક્ષણમાં દે એને ત્યાગી એવા તો કોઈ વેરાગી નથી
પ્રેમમાં પરિપૂર્ણ થાવા ચાહે સહુ જીવનમાં
કાંઈ જગમાં તો કોઈ પ્રેમના અવતાર તો નથી
મનેકમને જગમાં તો સહુ જીવન જીવતા જાય
પડે હાથ હેઠા જ્યાં જીવનમાં, દોષ ભાગ્યનો કાઢયા વિના રહ્યા નથી
આવ્યા જગમાં, મરણ એનું તો નિશ્ચિત છે
આ જાણવા છતાં, જગમાં જિજીવિષા કોઈને છોડવી નથી
સદ્દગુરુ દેવેન્દ્ર ઘીયા (કાકા)