Hymn No. 4319 | Date: 09-Nov-1992

છોડવું પડશે જ્યાં બધું તો જગમાં, ત્યાં કરી કરી ભેગું રે જીવનમાં, તો કરશો શું

 

જીવન માર્ગ, સમજ (Life Approach, Understanding)

1992-11-09 1992-11-09 1992-11-09 https://www.kakabhajans.org/Bhajan/default.aspx?id=16306 છોડવું પડશે જ્યાં બધું તો જગમાં, ત્યાં કરી કરી ભેગું રે જીવનમાં, તો કરશો શું છોડવું પડશે જ્યાં બધું તો જગમાં, ત્યાં કરી કરી ભેગું રે જીવનમાં, તો કરશો શું

આવ્યો જગમાં ના લાવ્યો તુ કાંઈ સાથે, જીવનમાં રહ્યું તને, મળતું ને મળતું - ત્યાં..

કરતો રહ્યો પૂરી જરૂરિયાતો તો પ્રભુ જ્યાં જગમાં, વધારી એને જીવનમાં જીવન કેમ જીવીશું - ત્યાં..

રાખે ના ખાલી પ્રભુ જગમાં જ્યાં કોઈને, હૈયું એની પાસે તો ખાલી કરીશું - ત્યાં..

કરનાર ને કર્તા છે જ્યાં એક જગમાં તો પ્રભુ, એને ને એને બધું તો કહીશું - ત્યાં..

જાણે છે, છે બધા તો એના કર્યા ના એણે કોઈ દાવા, મારા તારા દાવા તો ના કરીશું - ત્યાં..

મૂક્યા છે વિશ્વાસ, એણે પોતાની કૃતિમાં, જીવનમાં એનામાં વિશ્વાસ તો મૂકીશું - ત્યાં..

છે જ્યાં એ તો આપણા, એનાને એના બનીને, જીવનમાં વશમાં એને તો લઈશું - ત્યાં..

પ્રેમસાગર તો છે પ્રભુ, વહાવે એ પ્રેમની ધારા, પ્રેમથી પ્રેમમાં એને તો બાંધીશું - ત્યાં..

રાખે ના અંતર એ તો કોઈથી, જીવનમાં જીવી એવું, અંતર એનામાં ના પડવા દઈશું - ત્યાં.. Satguru Shri Devendra Ghia (Kaka)