Hymn No. 4496 | Date: 15-Jan-1993

અનુભવની એરણ ઉપર ઘડાયાં હશે ઘાટ જે જીવના

 

જ્ઞાન, સત્ય, આભાર (Knowledge, Truth, Thanks)

1993-01-15 1993-01-15 1993-01-15 https://www.kakabhajans.org/Bhajan/default.aspx?id=16483 અનુભવની એરણ ઉપર ઘડાયાં હશે ઘાટ જે જીવના અનુભવની એરણ ઉપર ઘડાયાં હશે ઘાટ જે જીવના,

    ઘાટ એના એ અનોખા હશે

ના કલ્પનાનો એમાં એને આધાર હશે,

    વાસ્તવિક્તાને વાસ્તવિક્તાનો આધાર એને હશે

ઘડાતા ઘડાતા જીવન, જીવન જે ના તૂટયું હશે,

    એ જીવનના ઘાટ તો અનોખા હશે

પાસેપાસા જે ઘડાઈ ઘડાઈ તૈયાર થયા હશે,

    એ પાસામાં તો ના કોઈ ખામી હશે

ઝીલી ઝીલી તાપ જીવનના ને તોફાનો,

    જીવનમાં એમાં તો જે ટકી શક્યા હશે

જીવનમાં પૂનમના તેજ જેણે માણ્યા હશે,

    જીવનમાં અમાસના અંધારા અનુભવ્યા હશે

અનુભવના નીચોડનો રસ જીવનભર જેણે પીધા હશે,

    જીવન ના એનાં અધૂરા હશે

એની વાણી વર્તનમાં વિશ્વાસ ભર્યા ભર્યા હશે,

    એનાં જીવનમાં અનુભવના ઝરણાં વહેતાં હશે

એના વિચારોમાં શંકાને સ્થાન તો ના હશે

    જીવન એનું તો વિશ્વાસે ને વિશ્વાસે ઝૂલતું હશે

પામ્યા હશે જીવનમાં તો જે પ્રભુને,

    એની વાણીમાં વિશ્વાસની ધારા વહેતી હશે Satguru Shri Devendra Ghia (Kaka)