Hymn No. 4916 | Date: 06-Sep-1993

પ્રભુ રે, તારે ને મારે, તારે ને મારે જ્યાં કોઈ વાંધો નથી, વાંધો નથી

 

પ્રેમ, ભક્તિ, શિસ્ત, શાંતિ (Love, Worship, Discipline, Peace)

1993-09-06 1993-09-06 1993-09-06 https://www.kakabhajans.org/Bhajan/default.aspx?id=416 પ્રભુ રે, તારે ને મારે, તારે ને મારે જ્યાં કોઈ વાંધો નથી, વાંધો નથી પ્રભુ રે, તારે ને મારે, તારે ને મારે જ્યાં કોઈ વાંધો નથી, વાંધો નથી

તારી ને મારી વચ્ચે રે, હું તો કોઈને આવવા દેવાનો નથી

વીત્યા વિયોગના દિવસો જેટલા, વીત્યા જીવનમાં એ તો ભલે

હવે વધુ તારા વિયોગના દિવસો તો મારે કાઢવા નથી

પડીશ, આખડીશ હું તો ભલે, જીવનમાં રાહમાં તો તારી

તારી રાહમાં જીવનમાં, પાછો ઊભો થયા વિના રહેવાનો નથી

જીવનના કાચા સુખને રે મારે, જીવનમાં તો કરવું છે શું

તારા ચરણનું શાશ્વત સુખ લીધા વિના રહેવાનો નથી

જીવન દીધું છે રે જ્યાં તો તેં, જીવવાનું છે એને તો મારે

આ જીવનમાંને જીવનમાં, તને મળ્યા વિના તો રહેવું નથી Satguru Shri Devendra Ghia (Kaka)