Hymn No. 5581 | Date: 13-Dec-1994

તને આ ન ગમે, તને તે ન ગમે, કર વિચાર જીવનમાં જરા તું, તને શું ગમે

 

ઇચ્છા, ગમા, અણગમા, ચિંતા (Desire, Like, Dislike, Worry)

1994-12-13 1994-12-13 1994-12-13 https://www.kakabhajans.org/bhajan/default.aspx?id=1080 તને આ ન ગમે, તને તે ન ગમે, કર વિચાર જીવનમાં જરા તું, તને શું ગમે તને આ ન ગમે, તને તે ન ગમે, કર વિચાર જીવનમાં જરા તું, તને શું ગમે

તને આ ના ચાલે, તને તે ના ચાલે, કર નિર્ણય તું તો જરા, જીવનમાં તો શેના વિના ચાલે

તારે આને ના મળવું, તારે તેને ના મળવું, કર વિચાર જીવનમાં, તારે કોને છે મળવું

તને આનું દુઃખ લાગે, તને તેનું દુઃખ લાગે, કર વિચાર તને શેનું દુઃખ ના લાગે

તું આ ના કરી શકે, તું તે ના કરી શકે, કર વિચાર જરા, તું શું કરી શકે

તારે અહીંયા ના જાવું, તારે ત્યાં પણ ના જાવું, કર વિચાર જરા, તારે ક્યાં ક્યાં છે જાવું

તને આનું ખોટું લાગે, તને તેનું ખોટું લાગે, કર વિચાર જરા, તને શેનું શેનું ખોટું ના લાગે

તારે આ ના કરવું, તારે તે ના કરવું, જીવનમાં તારે તો છે શું કરવું

તું નિર્ણય આ ના લે, તું નિર્ણય તે ના લે, શું અનિર્ણિત જીવનમાં તારે છે રહેવું

તને આ જોઈએ, તને તે જોઈએ, જીવનમાં તને તો શું ના જોઈએ Satguru Shri Devendra Ghia (Kaka)