Hymn No. 5702 | Date: 05-Mar-1995

સખી કરું મારી રે શી વાત, ગઈતી પાણી ભરવા પનઘટને ઘાટ

 

કૃષ્ણ, રામ, શિવ (Krishna, Ram, Shiv)

1995-03-05 1995-03-05 1995-03-05 https://www.kakabhajans.org/bhajan/default.aspx?id=1201 સખી કરું મારી રે શી વાત, ગઈતી પાણી ભરવા પનઘટને ઘાટ સખી કરું મારી રે શી વાત, ગઈતી પાણી ભરવા પનઘટને ઘાટ

આવી ચોરી ચોરી દે મટકી ફોડી, દે કદી જમુના જળમાં એને વહાવી

રહે જોઈ જોઈ એને રે એ તો, રહે મંદ મંદ મુશ્કાઈ

જોઈ જોઈ મંદ મંદ એનું મુશ્કાન, હરી લે બધું મારું એ તો સાનભાન

કાનુડો તોયે મને વ્હાલો લાગે છે, કાનુડો મને વ્હાલો લાગે છે

કરું જશોદામૈયાને ફરિયાદ, રહે નયનો પનઘટે, તોયે કાનુડાની વાટ

સખી ના એ તો સહ્યું જાય, ના કાનુડાને છોડાય - કાનુડો તોયે...

એનો મંદ મંદ થનગનાટ જોઈ, વ્યાપે હૈયાંમાં ત્યારે મીઠો ગભરાટ - કાનુડો તોયે...

મળે ના નજર દિનમાં જો એકવાર, જગ સૂનું સૂનું ત્યાં લાગી જાય - કાનુડો તોયે...

કૂંજ કૂંજમાં તો જ્યાં એ છુપાઈ, દર્દ હૈયાંમાં ત્યાં ઊભું એ કરી જાય - કાનુડો તોયે...

છે આ મારા હૈયાંની રે વાત, કર હવે તારા હૈયાંની ભી તું વાત - કાનુડો તોયે...

મંદ મંદ મુશ્કાઈ, કરી બીજી સખીએ ત્યારે વાત, સાંભળ મારી રે વાત - કાનુડો તોયે...

નથી કાંઈ જુદા મારા હૈયાંના હાલ, તારી જબાન કરી ગઈ મારી વાત - કાનુડો તોયે... Satguru Shri Devendra Ghia (Kaka)