Hymn No. 6260 | Date: 16-May-1996

સુખી થાવું કે સુખી રહેવું કાંઈ સહેલું નથી, પણ એ કાંઈ અઘરું પણ નથી

 

જ્ઞાન, સત્ય, આભાર (Knowledge, Truth, Thanks)

1996-05-16 1996-05-16 1996-05-16 https://www.kakabhajans.org/bhajan/default.aspx?id=12249 સુખી થાવું કે સુખી રહેવું કાંઈ સહેલું નથી, પણ એ કાંઈ અઘરું પણ નથી સુખી થાવું કે સુખી રહેવું કાંઈ સહેલું નથી, પણ એ કાંઈ અઘરું પણ નથી

ચાહતની ચાહત છે સહુના દિલમાં સુખી થવાની, કેમ સહુ સુખી થયા નથી

રમત રમી રહ્યાં છે સહુ સુખી થવા રે, કેમ સુખી જીવનમાં સહુ રહ્યાં નથી

પડયા છે સહુ ન્હાવા સુખના સાગરમાં, દુઃખનો કાદવ લઈ બહાર આવ્યા વિના રહ્યાં નથી

ચિત્ર જીવનનું છે સહુના હાથમાં, સુખના રંગો એમાં પૂરી શક્યા નથી

બાંધ્યું સુખ જ્યાં કોઈ વસ્તુમાં, મેળવી સુખની ઝલક, ખાલી થયા વિના રહેતા નથી

સુખદુઃખની સાથે રાખી નથી નિસ્બત જેણે જીવનમાં, સુખી એ રહ્યાં વિના રહ્યાં નથી

સુખના વહેણો વહે છે સદા જગમાં, ઝીલી ના શક્યા એ ધાર, એ તો સુખી રહ્યાં નથી

જીવનમાં દુઃખને જે ભૂલી શક્યા નથી, સુખી જીવનમાં તો એ થઈ શક્યા નથી

સુખની વ્યાખ્યા રહે જ્યાં બદલાતી, ગણવા સુખી કોને, જીવનમાં એ સમજાતું નથી

સંતોષથી રાખે છે હૈયું સદા ભર્યું ભર્યું જીવનમાં, દુઃખી કદી એ તો થાતા નથી

અન્યને સુખી જોવામાં ગણે જે સુખ પોતાનું, એના જેવા સુખી કોઈ બીજા નથી Satguru Shri Devendra Ghia (Kaka)