Hymn No. 6329 | Date: 30-Jul-1996

મધ્યરાત્રિએ મીઠી બંસરી તો જ્યાં વાગી, આંખલડીએ નીંદર દીધી ત્યાં ત્યાગી

 

કૃષ્ણ, રામ, શિવ (Krishna, Ram, Shiv)

1996-07-30 1996-07-30 1996-07-30 https://www.kakabhajans.org/bhajan/default.aspx?id=12318 મધ્યરાત્રિએ મીઠી બંસરી તો જ્યાં વાગી, આંખલડીએ નીંદર દીધી ત્યાં ત્યાગી મધ્યરાત્રિએ મીઠી બંસરી તો જ્યાં વાગી, આંખલડીએ નીંદર દીધી ત્યાં ત્યાગી

પનઘટના સપના ને પનઘટની યાદોને, આંખ સામે ગઈ એ તો જગાવી

રગેરગમાં સ્ફૂર્તિ ગઈ ત્યાં વ્યાપી, મીઠો થનગનાટ ગઈ એ તો જગાવી

રોમેરોમે આનંદની લહેરી ગઈ ફેલાવી, આંખની સામે પનઘટની ઝલક જ્યાં જાગી

મન તો ચાહે, રહે બાંસુરી વાગતીને વાગતી, ભલે આંખડીએ નીંદર દેવી પડે ત્યાગી

મંદ મંદ હસતું મુખડું કાનુડાનું, આંખ સામે એ તો દે જગાવી જગાવી

પડી હોય બેડીઓ ભલે તન ને વ્યવહારની, મનડું તો જાય બંસરી પાછળ ભાગી

હૈયું રહે ના ત્યાં તો હાથમાં, જ્યાં બંસરી દે હૈયાંમાં, મધુરી હલચલ તો મચાવી

બંસરીના નાદે નાદે, ધૂન હૈયાંમાં દે એવી એ જગાવી જાણે નાદ સમાધિ લાગી

કાન રહે તો સાંભળતા, રહે હૈયું ઝીલતું, દે પનઘટની એક્તા એ તો જગાવી Satguru Shri Devendra Ghia (Kaka)