Hymn No. 5858 | Date: 10-Jul-1995

છું હું ક્યાં, જાવું છે મારે ક્યાં, એની મને ખબર નથી, એની મને ખબર નથી

 

સ્વયં અનુભૂતિ, આત્મનિરીક્ષણ (Self Realization, Introspection)

1995-07-10 1995-07-10 1995-07-10 https://www.kakabhajans.org/bhajan/default.aspx?id=1346 છું હું ક્યાં, જાવું છે મારે ક્યાં, એની મને ખબર નથી, એની મને ખબર નથી છું હું ક્યાં, જાવું છે મારે ક્યાં, એની મને ખબર નથી, એની મને ખબર નથી

છે મુસાફરી મારી આ, મારી એકલાની, સાથે આવવાની કોઈએ જરૂર નથી

માંગ્યા સાથ મેં તો જ્યારે, દીધા ના એ ત્યારે, હવે સાથે આવવાની જરૂર નથી

પ્રેમ વિહ્વળ બની, કરી કાકલૂદી મેં તો તમને, ઠૂકરાવી જ્યાં સાથ દેવાની, હવે જરૂર નથી

છે મારગ હવે મારો તો જુદો, નથી હવે એ આપણો, સાથ દેવા, દોડી આવવાની જરૂર નથી

રાહ જોઈ જોઈ તમારી, આવ્યા અંધારા આંખે, દેવા સાથ હવે, આવશો નહીં

દેખાયું તેજ હવે મને તો મારું, એ તેજે તો છે મારે ચાલવું, સાથ દેવા હવે આવશો નહીં

તેજે તેજે જ્યાં ચાલીશ, પડશે ભાગ્યે પણ રોકાવું, આડખીલ નાંખવા હવે આવશો નહીં

તોડયો મારો તમે તો જ્યાં નાતો, કરીને યાદ એને, છે શું ફાયદો, સાથ દેવા આવશો નહીં

કરીશ જે જે, કરીશ એ હું, ભોગવીશ ફળ હું એનું, સાથ દેવા હવે આવશો નહીં

નજર સામે છે લક્ષ્ય તો મારું, છે મારે ત્યાં પહોંચવું, રૂકાવટ હવે એમાં નાંખશો નહીં

છે વિનંતી તમને તો મારી, લઈને લક્ષ્યમાં સંબંધ દેજો સ્વીકારી, અલવિદા વિના બીજું કંઈ આપશો નહીં Satguru Shri Devendra Ghia (Kaka)