Hymn No. 2549 | Date: 27-May-1990

જે ના કહી શકે તું મુખથી ‘મા’ ને, નજરથી બધું એને તું કહી દેજે

 

સ્વયં અનુભૂતિ, આત્મનિરીક્ષણ (Self Realization, Introspection)

1990-05-27 1990-05-27 1990-05-27 https://www.kakabhajans.org/bhajan/default.aspx?id=13538 જે ના કહી શકે તું મુખથી ‘મા’ ને, નજરથી બધું એને તું કહી દેજે જે ના કહી શકે તું મુખથી ‘મા’ ને, નજરથી બધું એને તું કહી દેજે

જોઈ રહી છે રાહ એ તો તારી, ક્યારે બધું તું એને કહી દે છે

જે ના સમજાવી શકે વાણીથી તું ‘મા’ ને, ભાવથી બધું તું એને સમજાવી દેજે

કહી દેજે બધું તું એને પ્રેમથી, ભલે બધું એ તો જાણે છે

હળવો કરી દેજે ભાર તું તારા હૈયાનો, ‘મા’ ને બધું તો કહી દઈને

નથી ડરવાનું કાંઈ કામ તો એમાં, જ્યાં એ તો તારી રક્ષણકર્તા છે

નથી સ્થિર તું, શું કહેવું તારે તો એમાં, તારી સ્થિરતાની રાહ એ તો જોવાની

કહી ના શકે બધું, મૂંઝાતો ના તું એમાં, ‘મા’ બધું એ તો સમજી લેશે

ના કોઈ ભાષાથી છે એ તો અજાણી, છે ભાવની ભાષા એની તો પુરાણી

દયાવાન છે એ તો, ખોલી દેશે, દ્વાર દયાના સદા એ તો Satguru Shri Devendra Ghia (Kaka)