Hymn No. 3516 | Date: 20-Nov-1991

મનથી અનુભવી શકો જ્યાં સુખદુઃખ, મન તો છે તારી પાસે ને પાસે

 

મન, દિલ, ભાવ, વિચાર, યાદ (Mind, Heart, Feelings, Thoughts, Remembrance)

1991-11-20 1991-11-20 1991-11-20 https://www.kakabhajans.org/bhajan/default.aspx?id=15505 મનથી અનુભવી શકો જ્યાં સુખદુઃખ, મન તો છે તારી પાસે ને પાસે મનથી અનુભવી શકો જ્યાં સુખદુઃખ, મન તો છે તારી પાસે ને પાસે

કોણ બીજું તને દુઃખી કરી શકે, કોણ બીજું તને તો સુખી કરી શકે છે

જોડીશ મનને તું જેમાં ને જ્યાં, કરી શકીશ અનુભવ એનો તો તું

થાવું સુખી કે દુઃખી તો જીવનમાં, તારા ને તારા હાથમાં તો છે

જોડયું મન જ્યાં ઇચ્છાઓમાં, રહેતા અધૂરા થયાં દુઃખી, થાતાં પૂરી લાગ્યાં સુખી

લઈ જવું મનને ક્યાં જીવનમાં સદા, એ તો તારા ને તારા હાથમાં છે

વિકારી તનમાં વિકાર જાગે, દુઃખ દર્દ તનના તો ત્યાં ઊભા થાયે

જોડીને મનને તો તનમાં, સુખદુઃખનો શિકાર જીવનમાં બનતો રહ્યો છે

લોભ લાલચમાં જોડયું જ્યાં મનને, ઉપાધિ એની વળગી તો ત્યાં તને

સુખદુઃખના અનુભવ મળ્યા તને, સુખી ને દુઃખી તું તો થાતો રહ્યો છે

પ્રભુ ભક્તિ તો ના સૂઝી તને, માયાની ભક્તિ વળગી જાયે હૈયે

સુખશાંતિ જીવનની લીધી હરી એણે, સુખી દુઃખી થાતો તું જાય છે Satguru Shri Devendra Ghia (Kaka)