Hymn No. 7775 | Date: 29-Dec-1998

શું છે પાસે એની જેને ખબર નથી, ગુમાવ્યું શું એની એને ખબર પડવાની નથી

 

જ્ઞાન, સત્ય, આભાર (Knowledge, Truth, Thanks)

1998-12-29 1998-12-29 1998-12-29 https://www.kakabhajans.org/bhajan/default.aspx?id=17762 શું છે પાસે એની જેને ખબર નથી, ગુમાવ્યું શું એની એને ખબર પડવાની નથી શું છે પાસે એની જેને ખબર નથી, ગુમાવ્યું શું એની એને ખબર પડવાની નથી

આવ્યો લઈ વિશ્વાસ ભરી ભરી હૈયાંમાં, ગયો ક્યારે સરી એની એને ખબર નથી

લઈ આવ્યો શ્વાસો કેટલા એની ખબર નથી, ગુમાવ્યા કેટલા ખબર એની પડવાની નથી

લાવ્યો મૂડી સમયની કેટલી એની ખબર નથી, ગુમાવી કેટલી ખબર એની પડવાની નથી

એના મુક્ત હાસ્યે, હસ્યું એનું જગ સારું, સરી ગયું એ હાસ્ય ક્યાં એની ખબર નથી

સમય બદલાતો રહ્યો જીવનમાં સહુનો, બદલાશે એ ક્યારે એની ખબર નથી

ઊંચકતા રહ્યાં છે ભાર દુઃખનો સહુ જીવનમાં, થાશે ક્યારે એ ઓછો એની ખબર નથી

ચાહે છે સહુ ફેલાતી રહે સુગંધ સંબંધોમાં, ટકશે સંબંધ કોના કેટલા એની ખબર નથી

દર્દે જકડયું છે જીવનને ચારે બાજુઓથી, છૂટશે કોણ ક્યારે એમાંથી એની ખબર નથી

રહ્યાં છે પ્રભુ સદા સાથમાં ને સાથમાં, પામશું દર્શન ક્યારે એના એની ખબર નથી Satguru Shri Devendra Ghia (Kaka)