Hymn No. 6054 | Date: 03-Dec-1995

કોમળતા હૈયાંની રે મારી, જીવનની કઠોરતા, જીરવી શકતું નથી

 

સ્વયં અનુભૂતિ, આત્મનિરીક્ષણ (Self Realization, Introspection)

1995-12-03 1995-12-03 1995-12-03 https://www.kakabhajans.org/Bhajan/default.aspx?id=12043 કોમળતા હૈયાંની રે મારી, જીવનની કઠોરતા, જીરવી શકતું નથી કોમળતા હૈયાંની રે મારી, જીવનની કઠોરતા, જીરવી શકતું નથી

જરૂરિયાતે બનવું પડે કઠણ જીવનમાં, હૈયું એ તો સ્વીકારી શકતું નથી

પ્રેમનું બિંદુ એમાંથી, કરી વલોપાત બહાર આવ્યા વિના રહેતું નથી

વાગે ઘા કઠોરતાના જ્યાં હૈયે, એ દૂઝ્યા વિના તો રહેતું નથી

કરે ઘા જીવનમાં બધા ભલે ઘણા, ભલું ચાહ્યાં વિના એનું એ રહેતું નથી

બની ગયું છે હવે એ તો એવું, હરેક ચીજમાંથી સુખ મેળવ્યા વિના રહેતું નથી

કરવો નથી ઘા અન્યને એણે, કોમળતાના નશામાં ચૂર રહ્યાં વિના રહેતું નથી

દેખાય કોમળતા અન્યના હૈયાંમાં, એને હૈયાંમાં સમાવ્યા વિના રહેતું નથી

જોતું નથી એ ખાડા ટેકરા, આવકારવા હરેક હૈયાંને, ધસ્યા વિના એ રહેતું નથી

રોકશો ના મારી એ કોમળતાને, પ્રભુની કોમળતા સ્પર્શ્યા વિના રહેતી નથી Satguru Shri Devendra Ghia (Kaka)