Hymn No. 6153 | Date: 11-Feb-1996

જીવનમાં બનશે કોઈ ક્યાંથી રે તારું, અન્યના દોષો જ્યાં તું જોતોને કાઢતો રહ્યો છે

 

જીવન માર્ગ, સમજ (Life Approach, Understanding)

1996-02-11 1996-02-11 1996-02-11 https://www.kakabhajans.org/Bhajan/default.aspx?id=12142 જીવનમાં બનશે કોઈ ક્યાંથી રે તારું, અન્યના દોષો જ્યાં તું જોતોને કાઢતો રહ્યો છે જીવનમાં બનશે કોઈ ક્યાંથી રે તારું, અન્યના દોષો જ્યાં તું જોતોને કાઢતો રહ્યો છે

સ્વાર્થને સ્વાર્થ રહ્યાં છે ટકરાતાને ટકરાતા, સ્વાર્થને તું જ્યાં નમી પડયો છે

ભાવોને ભાવોની ઊષ્મા આવશે ના જો સંબંધોમાં, નજદીકતા ના એ લાવવાની છે

નજરમાં વસાવ્યા નથી જ્યાં તમે જેને, હૈયાં સુધી ક્યાંથી તો એ પહોંચવાના છે

ગણ્યા ને માન્યા જીવનમાં જેને પારકાને પારકા, ક્યાંથી પોતાના એ બનવાના છે

ઊભો ના રહ્યો એના દુઃખમાં રે તું જ્યાં, દૂરને દૂર એને જ્યાં તું રાખતો રહ્યો છે

રહેશે શંકાની નજરોથી સહુને તું જોતોને જોતો, ક્યાંથી તારા એ તો બનવાના છે

રહેશે વેર સહુની સાથે તું બાંધતોને બાંધતો, ના કોઈ એ તારા તો બનવાના છે

કરતોને કરતો રહેશે અન્યને અન્યાય તું કારણ વિના, ક્યાંથી એ તારા બનવાના છે

ખુલ્લા દિલના પ્રેમ વિના, ના કોઈ તારા બનશે, ના કોઈ તારા બનવાના છે Satguru Shri Devendra Ghia (Kaka)