Hymn No. 6198 | Date: 24-Mar-1996

ગોતું છું, ગોતું છું ગોતું છું જીવનમાંકંઈકને કંઈક હું તો ગોતું છું

 

સ્વયં અનુભૂતિ, આત્મનિરીક્ષણ (Self Realization, Introspection)

1996-03-24 1996-03-24 1996-03-24 https://www.kakabhajans.org/Bhajan/default.aspx?id=12187 ગોતું છું, ગોતું છું ગોતું છું જીવનમાંકંઈકને કંઈક હું તો ગોતું છું ગોતું છું, ગોતું છું ગોતું છું જીવનમાંકંઈકને કંઈક હું તો ગોતું છું

વીત્યા દિવસોમાંથી, કરી કરી યાદ એમાંથી, કોઈ મીઠી યાદ એમાંથી હું તો ગોતું છું

પ્રેમભગ્ન મારા જીવનમાંથી, કોઈ એના ખૂણામાંથી, પ્રેમની ભીનાશ હું તો ગોતું છું

જીવનમાં દુઃખ દર્દના દાવાનળમાંથી, જીવનની કોઈ હૂંફ હું તો ગોતું છું

ક્ષણો ને ક્ષણો રહી છે મળતી જીવનમાં, લાભની ક્ષણો એમાંથી હું તો ગોતું છું

હૈયાંના અંધકારભર્યા અંધકારમાં, જીવનમાં હૈયાંમાં કોઈ તેજનું કિરણ હું તો ગોતું છું

આવતીને આવતી રહી છે ઉપાધિઓ જીવનમાં, જીવનમાં કારણ એનું હું તો ગોતું છું

અવ્યવસ્થિત એવા મારા જીવનમાંથી પણ, જીવનમાં શાંતિ હું તો ગોતું છું

જીવનમાં પ્રેમ ને પ્રેમભર્યા દર્પણમાં, પ્રભુ જીવનમાં તારું મુખડું એમાં હું તો ગોતું છું

લોભલાલચ ને માયાના પાસામાં ફસાયો છું હું, પ્રભુ માર્ગ એમાંથી હું તો ગોતું છું Satguru Shri Devendra Ghia (Kaka)