Hymn No. 4113 | Date: 16-Aug-1992

જાગે કે વહે પ્રેમ જો હૈયીંમાં તો તારા, તારા પ્રેમનું પાત્ર પ્રભુને તો તું બનાવી દેજે

 

જ્ઞાન, સત્ય, આભાર (Knowledge, Truth, Thanks)

1992-08-16 1992-08-16 1992-08-16 https://www.kakabhajans.org/Bhajan/default.aspx?id=16100 જાગે કે વહે પ્રેમ જો હૈયીંમાં તો તારા, તારા પ્રેમનું પાત્ર પ્રભુને તો તું બનાવી દેજે જાગે કે વહે પ્રેમ જો હૈયીંમાં તો તારા, તારા પ્રેમનું પાત્ર પ્રભુને તો તું બનાવી દેજે

જાગે ક્રોધ જો મનમાં, હૈયાંમાં ના એને વસવા દેજે, તારા વિકારોને શિકાર એનો બનાવી દેજે

જાગે કે આવે વિચારોને વિચારો જીવનમાં, તારા વિચારોમાં વિચાર પ્રભુના તો તું ભરી દેજે

જાગે ઇર્ષ્યા જીવનમાં તો જ્યારે, તારા દુઃખને જીવનમાં નિશાન એનું તું બનાવી દેજે

જાગે લોભ હૈયે તને તો જ્યારે, સદ્ગુણોને જીવનમાં લોભનું નિશાન તું બનાવી દેજે

જાગે અભિમાન હૈયે તને તો જ્યારે, છે તું પ્રભુનું તો સંતાન, અભિમાન એનું જગાવી દેજે

જાગે મોહ હૈયાંમાં તો તારા, જીવનમાં પ્રભુદર્શનનો મોહ, ત્યારે તો તું જગાડી દેજે

જાગે કે આવે આંસુ આંખમાં તો તારા, પ્રભુ વિરહના આંસુ આંખમાંથી તું વહેવા દેજે

જાગે પ્રભુ માટેની ઇચ્છા જીવનમાં તારી, કરી નિર્મળ હૈયું ને આંખો, મુખડા સહુના તું નિરખી લેજે Satguru Shri Devendra Ghia (Kaka)