Hymn No. 4335 | Date: 15-Nov-1992

શ્વાસે શ્વાસે, વિશ્વાસે વહાણ જીવનના જેના ચાલે છે, ઉમંગભર્યાં નવપ્રભાત એ લાવે છે

 

શ્રદ્ધા, વિશ્વાસ, ધીરજ, કસોટી (Faith, Patience, Test)

1992-11-15 1992-11-15 1992-11-15 https://www.kakabhajans.org/Bhajan/default.aspx?id=16322 શ્વાસે શ્વાસે, વિશ્વાસે વહાણ જીવનના જેના ચાલે છે, ઉમંગભર્યાં નવપ્રભાત એ લાવે છે શ્વાસે શ્વાસે, વિશ્વાસે વહાણ જીવનના જેના ચાલે છે, ઉમંગભર્યાં નવપ્રભાત એ લાવે છે

પ્રકાશ જીવનમાં પ્રભુના એ તો પામે છે, અંધકાર જીવનના ના એને તો સતાવે છે

પ્રેમના પાન, જીવનમાં સદા એ તો પામે છે, જગ એનું તો જગમાં, જુદું જુદું લાગે છે

ડર કે શંકા, જીવનમાં, ના એના હૈયાંમાં સ્થાન કદી જરા પણ તો પામે છે

જગતમાં હરેક જીવમાં વાસ પ્રભુનો તો સદા, જીવનમાં એને તો દેખાયે છે

અટકવા ના દેશે વ્હાલા પ્રભુ, જીવનમાં વહાણ એનું, સુકાન એનું જ્યાં એ સંભાળે છે

દુઃખ દર્દ કરે ના છમકલા એના હૈયાંમાં, વિશ્વાસ એને ત્યાંથી તો ભગાડે છે

જગનું સર્વ સુખ સમાયે એનું વિશ્વાસમાં, વિશ્વાસ સુખ બધું એને તો આપે છે

તર્યા વહાણ જગમાં સહુના, હૈયે અતૂટ વિશ્વાસ પ્રભુમાં તો જે સદા રાખે છે

ડૂબવા ના દેશે વહાણ પ્રભુ તો એનું, સંભાળ જીવનમાં પ્રભુ એની તો રાખે છે Satguru Shri Devendra Ghia (Kaka)