Hymn No. 7818 | Date: 20-Jan-1999

વગાડી ધર્મની નોબત હૈયાંમાં, એમાં એને તું જગાડી દેજે

 

જ્ઞાન, સત્ય, આભાર (Knowledge, Truth, Thanks)

1999-01-20 1999-01-20 1999-01-20 https://www.kakabhajans.org/Bhajan/default.aspx?id=17805 વગાડી ધર્મની નોબત હૈયાંમાં, એમાં એને તું જગાડી દેજે વગાડી ધર્મની નોબત હૈયાંમાં, એમાં એને તું જગાડી દેજે

વગાડી પ્રભુ પ્રેમની બંસરી હૈયાંમાં, જીવનને તરબતર એમાં કરજે

સુખદુઃખની રફતાર, ચાહે ના ચાહે, જીવનમાં એ ચાલતી રહેશે

મળે જેજે સુખ તને જીવનમાં, મહેરબાની પ્રભુની એને ગણી લેજે

આવે દુઃખ જેજે જીવનમાં, તારા કર્મોનો હિસાબ એને સમજી લેજે

અજાણ્યા હૈયાં માટે, જો હૈયાંમાં પ્રેમ જાગે, ઋણાનુંબંધ એને સમજી લેજે

પ્રીત કરી જીવનમાં એકવાર જેની સંગે, જીવનમાં એ નિભાવી લેજે

ગણ્યા એકવાર તો જેને પોતાના, સુખદુઃખ એના કાજે વેઠી લેજે

સુખદુઃખમાં સમાન રહી, નિત્ય સ્મરણ પ્રભુનું એમાં કરતો રહેજે

અપમાન ને અભિમાનને ઘોળીને પી જાજે, સાર જીવનનો એને સમજી લેજે Satguru Shri Devendra Ghia (Kaka)