Hymn No. 9253

જોઈએ છે જે એ સમજાતું નથી, સમજ્યા છે જેને દેખાતા નથી

 

1900-01-01 1900-01-01 1900-01-01 https://www.kakabhajans.org/Bhajan/default.aspx?id=18740 જોઈએ છે જે એ સમજાતું નથી, સમજ્યા છે જેને દેખાતા નથી જોઈએ છે જે એ સમજાતું નથી, સમજ્યા છે જેને દેખાતા નથી

જેને પામવું છે એને પહોંચાતું નથી, જરૂર નથી પાસે આવ્યા વિના રહેતું નથી

પામવી છે કૃપા જેની પમાતી નથી, મહેરબાની વિનાની રાહે આવ્યા વિના છૂટકો નથી

અંતરની ઇચ્છાઓ પૂરી થાતી નથી, ઇચ્છાઓ જાગ્યા વિના રહેતી નથી

દુઃખદર્દને તમાશા બનાવે, શાંતિ જીવનમાં તો એને મળતી નથી

પ્રેમ છે અણમોલ સંપત્તિ જીવનની, પામ્યા કે મેળવ્યા વિના રહેવાતું નથી

કર્મની કૂંડી માગશે ભોગ ઘણા, ધરાવ્યા વિના એમાં તો છૂટકો નથી

ચાહે છે સુખ સહુ જીવનમાં, યોગ્ય સાધના એની તો કરતા નથી

હોય સુખ જો ધનમાં, ધનવાન જેવા જગમાં બીજા કોઈ સુખી નથી

બાળક જેવો નિર્દોષ આનંદ, અન્યના મુખ પર જલ્દી દેખાતો નથી Satguru Shri Devendra Ghia (Kaka)