Hymn No. 9445

એક દિવસ એવો આવશે ના રહીશ તું, ના રહીશ હું

 

1900-01-01 1900-01-01 1900-01-01 https://www.kakabhajans.org/Bhajan/default.aspx?id=18932 એક દિવસ એવો આવશે ના રહીશ તું, ના રહીશ હું એક દિવસ એવો આવશે ના રહીશ તું, ના રહીશ હું,

    આપણી વાતો અહીંની અહીં રહી જાશે

તું જાશે ક્યાં, હું જઈશ ક્યાં, ના ખબર પડશે તને,

    ના ખબર એની મને રહેશે

પ્રેમના તો તાંતણા બાંધ્યા આપણે, ના તોડીશ જો તું,

    ના તોડીશ હું, બીજા ના તોડી શકશે

હશે તન જુદાં ભલેને, મન બન્યાં જ્યાં એક,

    સ્વપ્ન બંનેનાં તો એક રહેશે

હશે ભાવો સાચા, હશે એ મજબૂત, ખેંચશે એકબીજાને,

    અણસાર એના મળશે

એકબીજાની ઇચ્છા, સમાશે એકબીજામાં,

    પરિતૃપ્તિ એમાં મળશે

જાગે વિચાર એકમાં, ઝીલશે બીજો,

    એનો અણસાર એથી એમાં મળશે

દૃષ્ટિ મળી ભલે જુદી,

    એકબીજાને એકબીજા એમાં જોતા ને જોતા રહેશે

હોય પ્રેમ નરનારીનો, ગુરુ શિષ્યનો,

    ભાઈબહેનનો, આ તો એમાં બનશે

પહોંચ્યો પ્રેમ જ્યાં પ્રેમની ચરમસીમાએ,

    આ તો એમાં બનશે ને બનશે Satguru Shri Devendra Ghia (Kaka)