Hymn No. 4692 | Date: 09-May-1993

ઝીલવી છે જ્યાં પ્રભુપ્રેમની ધારા રે જીવનમાં, પડશે ઝીલવી એને, પ્રભુના અંગે અંગમાંથી

 

પ્રેમ, ભક્તિ, શિસ્ત, શાંતિ (Love, Worship, Discipline, Peace)

1993-05-09 1993-05-09 1993-05-09 https://www.kakabhajans.org/Bhajan/default.aspx?id=192 ઝીલવી છે જ્યાં પ્રભુપ્રેમની ધારા રે જીવનમાં, પડશે ઝીલવી એને, પ્રભુના અંગે અંગમાંથી ઝીલવી છે જ્યાં પ્રભુપ્રેમની ધારા રે જીવનમાં, પડશે ઝીલવી એને, પ્રભુના અંગે અંગમાંથી

છે કુદરત તો વિશાળ અંગ પ્રભુનું, પડશે ઝીલવી એને, કુદરતના અણુએ અણુમાંથી

શું હશે અંગ કુદરતના, છે અંગ એ તો પ્રભુના, રાખવા પડશે ના બાકી એને એમાંથી

પડે કે ફરે દૃષ્ટિ જગતમાં તો જ્યાં, જ્યાં ઊઠશે ફોરમ પ્રભુની તો એમાંથી ને એમાંથી

શું, વેર, દયા કે કૃપા જીવનમાં, પડશે ગોતવી ધારા તો, પ્રભુપ્રેમની તો એમાંથી

હોય સગા દોસ્ત કે દુશ્મન, નથી કોઈ જગતમાં પ્રભુપ્રેમની ધારાથી નથી વંચિત એમાંથી

પ્રેમની ધારા રહે છે વહેતી જગમાં તો પ્રભુની, જગતના હર શ્વાસ લેવાય છે તો એમાંથી

મટી જાશે, હટી જાશે, દુઃખ જીવનમાં, ગોતી શકીશ જગ પ્રેમની ધારા તો દુઃખમાંથી

સુખ ને આનંદનો સાગર છલકાશે હૈયે, રહેશે મળતી પ્રેમની ધારા જગમાં બધેથી

પ્રેમ વિના રહેશે ના હસ્તી તો બીજી, મળશે ને વહેશે પ્રેમ તો જ્યાં દૃષ્ટિ દૃષ્ટિમાંથી Satguru Shri Devendra Ghia (Kaka)