Hymn No. 4902 | Date: 24-Aug-1993

સહેલું નથી, સહેલું નથી, માનો છો જીવનમાં, એટલું આ તો સહેલું નથી

 

જ્ઞાન, સત્ય, આભાર (Knowledge, Truth, Thanks)

1993-08-24 1993-08-24 1993-08-24 https://www.kakabhajans.org/Bhajan/default.aspx?id=402 સહેલું નથી, સહેલું નથી, માનો છો જીવનમાં, એટલું આ તો સહેલું નથી સહેલું નથી, સહેલું નથી, માનો છો જીવનમાં, એટલું આ તો સહેલું નથી

માંગે છે મહેનત એ તો જીવનમાં, મહેનત વિના એ તો કાંઈ મળતું નથી

ક્રોધ કરવો તો છે સહેલો રે જીવનમાં, કાબૂમાં લેવો રે એને, એ તો સહેલું નથી

ધર્મ સમજવો તો છે સહેલો, આચરણ ધર્મનું કરવું જીવનમાં, એ તો સહેલું નથી

કાર્ય શરૂ કરવું તો છે સહેલું રે જીવનમાં, કરવું પૂરું એને, એ તો સહેલું નથી

સત્યની વાતો કરવી છે સહેલી રે જીવનમાં, જીવનમાં સત્ય શોધવું એ સહેલું નથી

વાતો કરવી પ્રભુની છે સહેલી રે જીવનમાં, પામવા પ્રભુને જીવનમાં એ સહેલું નથી

નારાજ કરવું તો છે સહેલું રે જીવનમાં, સહુને રાજી રાખવા, જીવનમાં એ સહેલું નથી

સામનાની કરવી વાતો છે સહેલી રે જીવનમાં, સામનામાં સ્થિર રહેવું એ સહેલું નથી

જીવનમાં ડાઘ લાગી જવો તો છે સહેલો, જીવનના ડાઘને ભૂંસવો તો સહેલું નથી

વિશ્વાસથી વાતો કરવી છે સહેલી રે જીવનમાં, વિશ્વાસે વધવું કાંઈ સહેલું નથી Satguru Shri Devendra Ghia (Kaka)