Hymn No. 4907 | Date: 28-Aug-1993

અપરાધીને અપરાધી છું રે પ્રભુ, હું તો તારો ને તારો રે અપરાધી

 

સમય, પશ્ચાતાપ, શંકા (Time, Regret, Doubt)

1993-08-28 1993-08-28 1993-08-28 https://www.kakabhajans.org/Bhajan/default.aspx?id=407 અપરાધીને અપરાધી છું રે પ્રભુ, હું તો તારો ને તારો રે અપરાધી અપરાધીને અપરાધી છું રે પ્રભુ, હું તો તારો ને તારો રે અપરાધી

કર્યા ને કરતો રહ્યો અપરાધો ઘણાં, ગયો ના દિન એમાં તો ખાલી

પુણ્યની રાહ ચૂકી ગયો જીવનમાં, થઈ ગયો જીવનમાં એમાં તો હું પાપી

દુઃખ દર્દ જીવનમાં ગળે એટલું વળગાડી, ગયો તને એમાં હું તો વીસરી

પ્રેમભર્યાં સંદેશાઓ તારા, ગયો એમાં ને એમાં હું તો અવગણી

કરી સદા સુખની ઝંખના જીવનમાં, ના એને શક્યો હું તો પામી

જીવનમાં માયામાં સુખ હું શોધતો રહ્યો, છે તું સુખસાગર ગયો એ હું ભૂલી

ભવોભવ ભટક્યો તોયે ના સમજ્યો, ફરી એજ રમત રહ્યો હું તો માંડી

કરવા ટાણે પાછો હટયો, મનને કાબૂમાં તો ના હું તો શક્યો રાખી

નીકળ્યો પામવા તને રે પ્રભુ, પાછા ભવોભવના ફેરા લઈ બેઠો બાંધી Satguru Shri Devendra Ghia (Kaka)