Hymn No. 5121 | Date: 15-Jan-1994

સ્વાર્થના સોદામાં કોઈ ઉદારતા નથી, સ્વાર્થ પીઠમાં ઘા માર્યા વિના રહેતો નથી

 

જ્ઞાન, સત્ય, આભાર (Knowledge, Truth, Thanks)

1994-01-15 1994-01-15 1994-01-15 https://www.kakabhajans.org/Bhajan/default.aspx?id=621 સ્વાર્થના સોદામાં કોઈ ઉદારતા નથી, સ્વાર્થ પીઠમાં ઘા માર્યા વિના રહેતો નથી સ્વાર્થના સોદામાં કોઈ ઉદારતા નથી, સ્વાર્થ પીઠમાં ઘા માર્યા વિના રહેતો નથી

કીર્તિના મેદાનમાં દાન ધોવાયા વિના રહેતું નથી, સ્વાર્થભર્યા દાનમાં ગુમાવ્યા વિના રહેવાતું નથી

સંપ અને મનમેળ હોય જ્યાં, સુખનું ધામ બન્યા વિના એ રહેવાનું નથી

ઊછળતા મહાસાગરના રે જળમાં, મોજાંની તો ગણતરી તો થાતી નથી

આશાઓ તો જ્યાં બદલાતી ને બદલાતી જાશે, પ્રેમ તો ત્યાં કાંઈ ટકતો નથી

સૂર્ય તો કિરણો જગમાં ફેલાવી રહ્યો છે, કિરણોની ગણતરી કાંઈ રાખતો નથી

સંતો સહજપણે સત્કર્મો કરતા રહે છે, ગણતરી એની તો એ રાખતા નથી

મોહના પાશમાં લેવાયેલા નિર્ણયોમાં, ભલીવાર એમાં તો કાંઈ હોતી નથી

જીવનમાં નીતિનાં પગથિયાં જે ચૂક્યાં, જીવનની ગતિમાં પડયા વિના રહેતા નથી

ક્રોધના રવાડે ચડયા જે જીવનમાં, પોતાનું કે અન્યનું અહિત કર્યાં વિના રહેતા નથી

હૈયાના વિશુદ્ધ ભાવોમાં, પ્રભુને પીગળાવ્યા વિના એ તો રહેવાના નથી Satguru Shri Devendra Ghia (Kaka)