Hymn No. 5122 | Date: 16-Jan-1994

મસ્ત રહું, મસ્ત રહું, હું મારી મસ્તીમાં, દેજે આશિષ પ્રભુ એવી તું મને

 

પ્રાર્થના, ધ્યાન, અરજી, વિનંતી (Prayer, Meditation, Request)

1994-01-16 1994-01-16 1994-01-16 https://www.kakabhajans.org/Bhajan/default.aspx?id=622 મસ્ત રહું, મસ્ત રહું, હું મારી મસ્તીમાં, દેજે આશિષ પ્રભુ એવી તું મને મસ્ત રહું, મસ્ત રહું, હું મારી મસ્તીમાં, દેજે આશિષ પ્રભુ એવી તું મને

કરું હરેક કાર્ય કુશળતાથી હું તો જીવનમાં, દેજે આશિષ એવી તું મને

હિંમત એવી આપજે તું મારા હૈયામાં, હટું ના પાછળ ધ્યેયમાં હું જીવનમાં

રહે હૈયું ને જીવન તો સરળ મારું, જાગે ના અહં તો કદી મારામાં

તારી મસ્તીના રંગમાં રંગાઈ રહું સદા, પડે ના રંગ ફિક્કો એનો જીવનમાં

આપું પ્રેમ ને આનંદ સહુને સદા જીવનમાં, બનું ના દુઃખનું કારણ, અન્યનું જીવનમાં

એક ક્ષણ પણ ભૂલું ના તને જીવનમાં, રહું સદા તારા ધ્યાનમાં ને વિચારમાં

ભરજે ને જગાડજે ખુમારી એવી મારા હૈયામાં, હસતો રહું જીવનની હર પરિસ્થિતિમાં

રહેવા ના દેજે મને તું વહેમમાં ને શંકામાં, રહું સદા હું તારા વિશ્વાસમાં

રહી તારી મૂર્તિ સદા મારા હૈયામાં ને નજરમાં, દેજે વરદાન એવું તું જીવનમાં Satguru Shri Devendra Ghia (Kaka)