Hymn No. 5410 | Date: 04-Aug-1994

તું શું છે ને શું નથી, તું ક્યાં છે ને ક્યાં નથી રે પ્રભુ, એ કહી શકાતું નથી

 

જ્ઞાન, સત્ય, આભાર (Knowledge, Truth, Thanks)

1994-08-04 1994-08-04 1994-08-04 https://www.kakabhajans.org/Bhajan/default.aspx?id=909 તું શું છે ને શું નથી, તું ક્યાં છે ને ક્યાં નથી રે પ્રભુ, એ કહી શકાતું નથી તું શું છે ને શું નથી, તું ક્યાં છે ને ક્યાં નથી રે પ્રભુ, એ કહી શકાતું નથી

છે તું સર્વશક્તિમાન ને સર્વવ્યાપક, બે મત એમાં તો કોઈના તો નથી

અનેક પાસાઓમાં વહેંચાયેલો છે તું જગમાં, ભ્રમ એમાં ઊભો થયા વિના રહ્યો નથી

સૃષ્ટિ સરજીને જગમાં તો તું, જગમાં તોય તું નિર્વિવાદ તો રહ્યો નથી

તારી સૃષ્ટિનું કારણ સહુ ગોતતા રહ્યા, કારણોનો અંત હજી આવ્યો નથી

નિતનવાં કિરણો તું ફેંકતો રહ્યો જગમાં, કિરણો માનવ હજી પકડી શક્યા નથી

આ અદ્ભુત સૃષ્ટિનો સર્જક તું, અદ્ભુત તું રહ્યો, દૃષ્ટિમાં તું આવતો નથી

ગુણે ગુણે રહ્યો જગમાં તું વ્યાપક, ભાવોનાં બંધન સ્વીકાર્યા વિના રહ્યો નથી

આદિ તો છે તું, અંત નથી રે તારા વિવાદના અંત, જગમાં આવશે નવા

દેતો રહ્યો પ્રેમ જગમાં સહુને તું, પ્રેમથી બંધાયા વિના તું રહ્યો નથી Satguru Shri Devendra Ghia (Kaka)