Hymn No. 4274 | Date: 17-Oct-1992

યાદને યાદમાં તારી રે પ્રભુ, વિતાવવું છે જીવન જ્યાં

 

જીવન માર્ગ, સમજ (Life Approach, Understanding)

1992-10-17 1992-10-17 1992-10-17 https://www.kakabhajans.org/bhajan/default.aspx?id=16261 યાદને યાદમાં તારી રે પ્રભુ, વિતાવવું છે જીવન જ્યાં યાદને યાદમાં તારી રે પ્રભુ, વિતાવવું છે જીવન જ્યાં,

    બીજી યાદોની, જરૂર તો ક્યાં છે

મળે વિશુદ્ધ પ્રેમ જીવનમાં જ્યાં તારો રે પ્રભુ,

    બીજા પ્રેમની જીવનમાં, જરૂર તો ક્યાં છે

દિન પર દિન જાય છે વીતી તારા દર્શન વિના,

    એવા બીજા દિવસોની જરૂર તો ક્યાં છે

શ્વાસેશ્વાસ જો પ્રભુ, રાખે અલગ મને જો તુજથી,

    એવા બીજા શ્વાસોની જરૂર તો ક્યાં છે

તન ને મન, રોકી રાખે મિલન તારું રે જો પ્રભુ,

    એવા તન ને મનની જરૂર તો ક્યાં છે

માયાને માયા માં રહે બહેકાવતું જીવન જો મારું રે પ્રભુ,

    એવી માયા પાછળ દોડવાની જરૂર તો ક્યાં છે

તોડી જાય સંજોગોને સંજોગો, સંયમને જીવનમાં જો પ્રભુ,

    એવા સંયમની જરૂર તો ક્યાં છે

બંધાતોને બંધાતો રાખે બાંધી જીવનને, રાખે દૂર મુક્તિને,

    એવા જીવનની જરૂર તો ક્યાં છે

વિચારોને વિચારો દૂર રાખે તુજને મુજથી રે પ્રભુ,

    એવા વિચારોની જીવનમાં જરૂર તો ક્યાં છે

નબળાઈઓને નબળાઈઓ રોકી રાખે સફળતાને જીવનમાં,

    એવી નબળાઈઓની જરૂર તો ક્યાં છે Satguru Shri Devendra Ghia (Kaka)