Hymn No. 4815 | Date: 18-Jul-1993

કોઈ વાત તારી જીવનમાં મેં તો માની નથી

 

સ્વયં અનુભૂતિ, આત્મનિરીક્ષણ (Self Realization, Introspection)

1993-07-18 1993-07-18 1993-07-18 https://www.kakabhajans.org/bhajan/default.aspx?id=315 કોઈ વાત તારી જીવનમાં મેં તો માની નથી કોઈ વાત તારી જીવનમાં મેં તો માની નથી,

    રે પ્રભુ, મારા માટે પ્રીત તને કેમ જાગી

નાચતોને નાચતો રહ્યો જીવનમાં નાચ,

    રહ્યું મન મને તો જેમને જેમ નચાવી - રે...

ખાતોને ખાતો રહ્યો માર જીવનમાં, કદી થાકી,

    સાચી સમજ જીવનમાં ના તોયે આવી - રે...

સુંદર માનવતન દીધું તેં મને તો આપી,

    કદર ના મને તોયે એની રે જાગી - રે...

પાપનો ભંડાર છું, કરતોને કરતો રહ્યો પાપો જીવનમાં,

    જોયું ના એમાં પાછું વળી - રે...

સદ્વિચારો ના ટક્યા જીવનમાં,

    રહ્યો સદ્ગુણોમાં રે હું તો જીવનમાં ખાલી ને ખાલી - રે...

નામ લીધું ના તારું રે જગમાં,

    કરી જીવનભર જીવનમાં તો ખોટી દોડાદોડી - રે...

કહી ના શકું કોઈ એવા વિશ્વાસે રે પ્રભુ,

    લેજે જગમાં હાથ મારો તો ઝાલી - રે...

મારા જનમના ફેરા ને જગના કામમાં, ગયો તને વીસરી,

    તારી જવાબદારીમાં ગયો ના મને તું ભૂલી - રે...

જાણું ના કાંઈ જગમાં બીજું કાંઈ રે પ્રભુ,

    દેજે જીવનમાં સાથ તો મને આપી - રે... Satguru Shri Devendra Ghia (Kaka)