Hymn No. 5118 | Date: 15-Jan-1994

કચવાતા દિલે દઈશ જ્યાં તું પ્રભુને, બદલામાં તું શું પામીશ

 

સ્વયં અનુભૂતિ, આત્મનિરીક્ષણ (Self Realization, Introspection)

1994-01-15 1994-01-15 1994-01-15 https://www.kakabhajans.org/Bhajan/default.aspx?id=618 કચવાતા દિલે દઈશ જ્યાં તું પ્રભુને, બદલામાં તું શું પામીશ કચવાતા દિલે દઈશ જ્યાં તું પ્રભુને, બદલામાં તું શું પામીશ

કરી કરી ભેગું જીવનમાં જગમાં, બધું તો તું છોડીને જઈશ - બદલામાં...

અકડાઈ જાશે જ્યાં અંગેઅંગ જીવનમાં, તારા ત્યારે તું શું કરીશ - બદલામાં...

મનડું તારું જ્યાં ભમતું રહશે, દોડી દોડી પાછળ તો તું થાકીશ - બદલામાં...

સુકાઈ જાશે જો હૈયેથી પ્રેમની ધારા, પ્રેમ તું તો ક્યાંથી પામીશ - બદલામાં...

ખોટાં વિચારોમાં ગૂંથીશ જો તું વિચારધારા, વિચાર પ્રભુના ક્યાંથી કરીશ - બદલામાં..

સુકાઈ જાશે જો તારી ભાવની ધારા, ભાવ પ્રભુના તું ક્યાંથી ભરીશ - બદલામાં...

દુઃખદર્દમાં ચિત્ત જો તારું જોડી રાખીશ, પ્રભુમાં ચિત્ત તું ક્યાંથી જોડીશ - બદલામાં...

દયાહીન બની જઈ જીવનમાં તું જ્યાં, દયા પ્રભુની ક્યાંથી પામીશ - બદલામાં...

વળગી રહેશે સંસાર જ્યાં હૈયે, પ્રભુને હૈયામાં ક્યાંથી તું સ્થાપીશ - બદલામાં... Satguru Shri Devendra Ghia (Kaka)